China Airlines နဲ႕ ဒုတိယအၾကိမ္

ခရီးသြားေနသူ - ကုိညီညီ ( ေတာင္ၾကီး )

.

ခရီးသြားရတာက လြယ္လြယ္ေလးပါ။ လမ္းခရီးမွာ အခက္အခဲမရွိဖို႕အတြက္ အဘက္ဘက္ကၾကိဳတင္တြက္ခ်က္ႏုိင္တာကမွ ခက္တာ။ မၾကာမၾကာေလယာဥ္စီးေနက်မိတ္ေဆြေတြအတြက္ေတာ႕ ထမင္းစားေရေသာက္ျဖစ္ေပမယ္႕ ( ၆ ) ႏွစ္ခြဲၾကာမွ တစ္ၾကိမ္ျပန္စီးနင္းခြင္႕ရခဲ႕တဲ႕ China Airlines အိမ္အျပန္ခရီးစဥ္မွာေတာ႕ အရာရာဟာ အသစ္ျဖစ္ေနခဲ႕တယ္။ ဒါေၾကာင္႕လည္း “ ေနရာသစ္မွသင္ယူျခင္း အမွတ္ ( ၁ ) ” နဲ႕စခဲ႕တဲ႕ ကြ်န္ေတာ႕ရဲ႕လက္ေခ်ာင္းေလးမ်ားဟာလည္း အခုလုိ အလုပ္ရႈတ္လာရပါေတာ႕တယ္။

.

ထုပ္ပိုးရတာက ျပသနာမရွိေပမယ္႕ ေပါင္ခ်ိန္ရတဲ႕အခါ လက္ဝင္ပါတယ္။ ေလေၾကာင္းလုိင္းက အခမဲ႕ေပးထားတာက ေပါင္ ( ၅ဝ ) - ၂ ထုတ္စာ။ ပုိတဲ႕ေပါင္ခ်ိန္ ( ၂ဝ ထပ္တိုး ) အတြက္ ( ၃၂ ) ေဒၚလာေဆာင္ရတယ္။ တတိယေျမာက္ထပ္တိုးပါကင္ ( ၅ဝ ) ေပါင္အတြက္က ( ၁၁၅ ) ေဒၚလာ..။ ဒါက ေစ်းျပန္က်လာတာ။ ဟုိတစ္ေလာ တက္သြားတုန္းက အပိုတစ္ထုတ္အတြက္ ေဒၚလာ ( ၂ဝဝ ) ေက်ာ္ေဆာင္ရတယ္လို႕ အေတြ႕အၾကံဳရွိသူေတြျပန္ေျပာျပတာကုိ အမွတ္ရလာမိတယ္။

.

.

ပါဆယ္ထုတ္ကိုတင္၊ သူ႕ဆီသူထည္႕၊ သူ႕ကားသူေမာင္းျပီးေလဆိပ္လိုက္ပို႕တဲ႕ ေက်းဇူးရွိတဲ႕ အစ္မတို႕ဇနီးေမာင္ႏွံကိုႏႈတ္ဆက္ရင္း ေလဆိပ္ေကာင္တာကို လွည္းတြန္းဝင္လာခဲ႕တယ္။ ပါဆယ္ထည္႕မယ္႕အစ္မၾကီးတစ္ေယာက္ကုိေစာင္႕ေနတုန္း  ခဏေလးၾကာေတာ႕ သူလည္း လွည္းေလးနဲ႕ေကာင္တာနား ေရာက္လာတယ္။ ေပါင္ခ်ိန္ကိစၥေတြစီစဥ္ဖို႕ ေနရာခ်ထားေပးတဲ႕ တရုတ္ေလေၾကာင္းလုိင္းက မီနီစကပ္ေလးနဲ႕ပိန္ပိန္ပါးပါးမိန္းကေလးဝန္ထမ္းက သြားရမယ္႕ေကာင္တာကို လမ္းညႊန္ေပးပါတယ္။

.

ဒီေနရာမွာၾကံဳရတဲ႕အခက္အခဲေတြကို အေသးစိတ္ေျပာျပမယ္႕အစား ဂုဏ္ယူစရာတစ္ခုကို မီးေမာင္းထုိးျပခ်င္ေနမိတယ္။ ပါဆယ္ထည္႕တဲ႕အစ္မၾကီးေျပာတာက “ ခုနက ငါတုိ႕ကို ဘယ္ေကာင္တာသြားဆုိျပီးေနရာခ်ထားေပးတဲ႕ေကာင္မေလးကိုေတြ႕တယ္မလား? အဲဒါ ဗမာ ” တဲ႕။ သူေျပာမွသတိထားမိတယ္။ ကြ်န္ေတာ္တုိ႕အလွည္႕ေရာက္ေတာ႕ အစ္မၾကီးက ေက်းဇူးတင္စကားေျပာတာကို အဲဒီမိန္းကေလးက “ ရတယ္ ” လို႕ျပန္ေျပာေသးတယ္ေလ။ “ သူက အလုပ္သိပ္ၾကိဳးစားတာ။ အခုၾကည္႕ .. အလုပ္လုပ္တာေတာ္လို႕ ၾကီးၾကပ္ေရးမွဴး - Supervisor ျဖစ္ေနတာ ” တဲ႕။

.

.

ဒါေၾကာင္႕ေျပာတာ..။ အေမရိကားဆိုတုိင္း အဂၤလိပ္စာခ်ည္းကြ်မ္းေနရမယ္လို႕ မဆိုသာဘူး။ ဆက္ဆံေရးေကာင္းရမယ္၊ စီမံခန္႕ခြဲမႈတတ္ရမယ္၊ ဘာသာစကားကြ်မ္းက်င္ရမယ္၊ အထူးသျဖင္႕ လုပ္ေဖာ္ကိုင္ဘက္ေတြၾကားမွာ ႏွာတစ္ဖ်ားသာရမယ္ေလ။ အခုေတာ႕ တရုတ္၊ မကၠဆီကန္၊ အေမရိကန္ေတြသာအခန္႕မ်ားတဲ႕ China Airlines ရဲ႕ ဆန္ဖရန္စစၥကိုအျပည္ျပည္ဆိုင္ရာေလဆိပ္ရဲ႕ ေရာက္ရွိျပ - Check In ေကာင္တာမွာ ျမန္မာ Supervisor တစ္ေယာက္က အုပ္ခ်ဳပ္ေနတယ္ဆုိတာကို ကမၻာကိုေအာ္ေျပာရမယ္..။ ရျပီ .. ေျပာအားရွိျပီကြ။

.

ငတ္ေနလို႕လားမေျပာတတ္ပါဘူး .. ေလယာဥ္ေပၚမွာဧည္႕ခံတဲ႕ China Airlines ရဲ႕ အစားအေသာက္ေတြက အရမ္းတိုးတက္လာတယ္။ စီးရတာ ညသန္းေခါင္ဆိုေတာ႕ ပထမေကြ်းတဲ႕ တစ္ႏွပ္က ညလယ္စာလုိ႕ေခၚရမယ္ထင္တယ္ .. ၾကက္သားနဲ႕စားမလား? ငါးနဲ႕စားမလားလို႕ ေလယာဥ္မယ္ေလးတစ္ေယာက္က လာေမးတယ္။ အသံၾကားလုိ႕ေမာ႕ၾကည္႕လုိက္ေတာ႕ မတူတဲ႕လူမ်ိဳး နဲ႕ ကြဲျပားတဲ႕အသားအေရပိုင္ရွင္မွန္း သိလိုက္ရတယ္။ သူ႕ကိုယ္သူဘာလူမ်ိဳးျဖစ္ျဖစ္ ကြ်န္ေတာ္ကေတာ႕ အလကားရတာ တာဝန္ေက်ေအာင္အကုန္လံုးစားပစ္လိုက္တာပါပဲ .. ေတြးမေနေတာ႕ပါဘူး။

.

.

ကြ်န္ေတာ႕အေရွ႕ခံုမွာ ေခါင္းေပါင္းၾကီးဦးေလးၾကီးရယ္ ဆာရီျခံဳထားတဲ႕အေဒၚၾကီးရယ္ ပန္ဂ်ာပီလင္မယားတစ္တြဲလိုက္ပါလာတယ္။ သူတို႕ဟာ ေလယာဥ္ေပၚမွာ သူတို႕ရဲ႕မိခင္ႏုိင္ငံဘာသာစကားကိုပဲေျပာၾကပံုရတယ္။ အဂၤလိပ္အသံထြက္စကားေျပာသံမၾကားရသလို ေဘးပတ္ဝန္းက်င္နဲ႕ကင္းေဝးျပီး အစားအေသာက္စားတာကိုလည္း သိပ္မေတြ႕ရဘူး။ အဲ .. ကြ်န္ေတာ႕ရဲ႕ဘယ္ေတာင္ပံဘက္က ( ၃ ) ခံုတြဲမွာေတာ႕ စကားတစ္ေျပာေျပာ နဲ႕ ျမန္မာမိသားစုတစ္ခုက စားလိုက္ေသာက္လုိက္တာ ေျပာင္ေနတာပါပဲ။ အဲဒီျမန္မာဦးေလးၾကီးက ေလယာဥ္မယ္ကို ဟင္းေတြကစားေကာင္းသလို China Airlines ရဲ႕ဝန္ေဆာင္မႈကေကာင္းတယ္လုိ႕ေတာ႕ အဂၤလိပ္လိုခ်ီးက်ဴးသံသဲ႕သဲ႕ကုိ ၾကားမိလိုက္ေသးတယ္။

.

ထိုင္ဝမ္ေရာက္ဖို႕ ( ၃ ) နာရီအလိုမွာ ေလယာဥ္ဝန္ထမ္းေတြက မီးဖြင္႕ျပီး အိပ္ယာကလုိက္ႏိႈးပါတယ္။ စႏုိးတာဝါေႏြးေႏြးေလးကို မီးညွပ္နဲ႕လွမ္းေပးရင္း မၾကာခင္မနက္စာနဲ႕တည္ခင္းဧည္႕ခံမယ္႕အေၾကာင္း လူေလွ်ာက္လမ္းတစ္လမ္းလံုး ေျပာသြားၾကတယ္။ တစ္ညလံုးေအာင္႕ထားရတဲ႕ဆာေလာင္မြတ္သိပ္မႈၾကီး ေျပေပ်ာက္ရေတာ႕မယ္႕အေရးဆုိေတာ႕ ခရီးသည္အားလံုး မိနစ္အနည္းငယ္အတြင္း အဆင္သင္႕ျဖစ္ေနၾကပါျပီ။ ဒီေနရာကေန အေရွ႕ဘယ္ဘက္ခပ္စြန္းစြန္းကအသံေတြကုိ အတိုင္းသားၾကားေနရတယ္။

.

.

“ Sir, Do you want a sausage or fried noodle? ” လို႕ ေလယာဥ္ေမာင္က ( ၃ ) ေခါက္ေလာက္ေမးေနတာကို တစ္ဖက္သားရဲ႕ေျဖသံက ထြက္မလာဘူး။ အသံလာရာကိုၾကည္႕လိုက္ေတာ႕မွ ပန္ဂ်ာပီဦးေလးၾကီးလင္မယားျဖစ္ေနတယ္။ သူတုိ႕က အဂၤလိပ္လိုမေျပာတာလား .. မေျပာတတ္တာလားေတာ႕ ကြ်န္ေတာ္အတည္မျပဳႏုိင္ပါဘူး။ ေလယာဥ္ေမာင္နားလည္ေလာက္တဲ႕ဘာသာစကားတစ္ခုနဲ႕ျပန္မေျပာတာကေတာ႕ ေသခ်ာတယ္။ ခဏေလးလည္းၾကာေရာ လက္ရွိအခက္အခဲကုိေျပလည္ေစမယ္႕ ၾကားဝင္ေစ႕စပ္သူ - Negotiator တစ္ေယာက္ေပၚလာတယ္။ သူကေတာ႕ အေစာပိုင္းကကြ်န္ေတာ္ေျပာခဲ႕တဲ႕ အိႏိၵယႏိုင္ငံရုပ္ရည္နဲ႕ China Airlines ရဲ႕ ေလယာဥ္မယ္ေလး ျဖစ္ပါတယ္။

.

သူတုိ႕က အသားမစားသလို ညတုန္းကလည္း ဘာသာေရးအရ ညစာစားပံုမရဘူး။ ဒါနဲ႕ အိႏၵိယရုပ္ရည္နဲ႕ေလယာဥ္မယ္ေလးက လိေမၼာ္ရည္ေသာက္မွာလား? ပန္းသီးေဖ်ာ္ရည္ေသာက္မွာလားဆိုတာကုိ သူတုိ႕နားလည္တဲ႕တုိင္းရင္းသားဘာသာစကားနဲ႕ေမးေပးရင္း ကိစၥအားလံုးအဆင္ေျပသြားၾကတယ္။ ေနာက္ဆံုးမွာ တစ္ေယာက္စီကုိ လိေမၼာ္ရည္တစ္ခြက္စီ နဲ႕ ေပါင္မုံ႕အလြတ္တစ္လံုးစီသာ ယူငင္စားသံုးတဲ႕ ပန္ဂ်ာပီဦးေလးၾကီးစံုတြဲကုိ ေလးစားမိသလို စကားျပန္လုပ္ေပးတဲ႕ အိႏိၵယအသားအရည္ေလယာဥ္မယ္ေလးကို ကြ်န္ေတာ႕စိတ္ထဲက ၾကိတ္ျပီးခ်ီးက်ဴးေနမိတယ္။

.

.

ၾကားဖူးခဲ႕တဲ႕သတင္းေတြအရ တရုတ္ေလယာဥ္စီးရင္ စိတ္မခ်ရဘူး၊ ကုန္ခ်ည္းတင္ေနတာ .. ကုန္တင္ေလယာဥ္ျဖစ္ေနျပီ၊ ေခ်ေထာက္ဆန္႕ဖို႕ေနရာေတာင္မရွိဘူး စသျဖင္႕စံုလုိ႕ပါပဲ။ အမ်ားေျပာစကားက မွန္တာေတြလည္းပါသလို ေစာစီးစြာအကဲမျဖတ္သင္႕တဲ႕  Pre-Judgement ေတြလည္းပါပါတယ္။ ေလေၾကာင္းလုိင္းတစ္ခုရဲ႕ေရာင္းအား - Selling Point ဟာ ကမၻာနဲ႕ခ်ီျပီးေျပာရရင္ ေဘးကင္းလံုျခံဳေရး - Safety ပါ။ လူ႕အၾကိဳက္ကုိလုိက္ျပီးေရာင္းတာကေတာ႕ ဝန္ေဆာင္မႈ - Customer Service ျဖစ္ပါတယ္။ ဒါေပမယ္႕ ကုမၸဏီၾကီးတစ္ခုရဲ႕အလံုးစံုတုိးတက္မႈ - Overall Development ကုိ ေျပာၾကစတမ္းဆုိရင္ လူေရြးခ်ယ္အလုပ္ခန္႕မႈ - Employment ကို ခ်န္လွပ္ထားလို႕မရျပန္ပါဘူး။

.

အခု China Airlines ကုိေလ႕လာၾကည္႕ရင္ သူ႕ေနရာနဲ႕ သူ႕ဇာတ္နဲ႕ ဝန္ထမ္းေတြေနရာခ်ထားေပးတာကို သင္ယူမိတယ္။ ေျပာင္းေရႊ႕ျမန္မာေတြအေနမ်ားတဲ႕ ဆန္ဖရန္စစၥကိုဧည္႕သည္ဝင္ေရာက္မႈေကာင္တာမွာ ျမန္မာၾကီးၾကပ္ေရးမွဴးကိုခန္႕ထားတယ္။ လူမ်ိဳးေပါင္းစံုနဲ႕ေျပလည္ေအာင္ဆက္ဆံရတဲ႕အျပင္ အျပည္ျပည္ဆိုင္ရာနဲ႕ျပိဳင္ဆုိင္ရတဲ႕ေလယာဥ္ေပၚဝန္ေဆာင္မႈမွာက်ေတာ႕ အိႏိၵယေလယာဥ္မယ္ကိုခန္႕ထားတယ္။ ဘယ္သူကမွ ျမန္မာကိုခန္႕ထားလို႕မလာဘူး .. ပန္ဂ်ာပီကိုခန္႕ထားလို႕မစီးဘူးဆိုတာ အေမရိကားမွာမရွိပါဘူး။ အထူးသျဖင္႕ ဘယ္ေနရာမဆို အသားအေရ နဲ႕ လူမ်ိဳးမခြဲျခားၾကဘူးဆိုတာ ႏိုင္ငံတကာကိုထြက္ဖူးၾကသူတုိင္းသိၾကတယ္။

.

.

အခုေျပာခ်င္တာက တရုတ္ေတြစီးပြားေရးကိုဘယ္လုိကုိင္တြယ္သလဲဆိုတာကို သိေစခ်င္တာပါ။ ပညာရွိေတြေျပာခဲ႕တဲ႕ “ အခုေခတ္မွာ ဒိုင္ႏုိေဆာေတြမရွိေတာ႕ေပမယ္႕ ပရုတ္ဆိတ္ေတြကေတာ႕ ရွင္သန္ေနဆဲ။ အေၾကာင္းရင္းစစ္ေတာ႕ ဒိုင္ႏုိေဆာေတြက ေခတ္နဲ႕လုိက္ေလ်ာညီေထြေအာင္လုိက္ျပီး မေျပာင္းလဲႏုိင္ဘူး။ ပုရြက္ဆိတ္ကေတာ႕ ေျပာင္းလဲႏုိင္ျပီး ရာသီဥတုဒဏ္ခံႏုိင္လုိ႕ ကမၻာ႕လူဦးေရထက္ အစေပါင္းမ်ားစြာတိုးပြားေနပါေသးတယ္ ” ဆိုတဲ႕စကားဟာ အေၾကာင္းမဲ႕ထားခဲ႕ဟန္မတူဘူး။

.

ဒါေၾကာင္႕ ဒုိင္ႏုိေဆာေလာက္မၾကီးခ်င္ေနပါ .. ပုရြက္ဆိတ္ေတြကို အသက္ရွင္ခ်င္တယ္။ ျမန္႕မာ႕သူၾကြယ္ေတြကို မခ်မ္းသာခ်င္ေနပါ .. အေျခအေနမပ်က္ ေနသြားခ်င္တယ္။ ျမန္မာ႕အိမ္နားနီခ်င္းလူမ်ိဳးေတြမေကာင္းေၾကာင္းေျပာေနမယ္႕အစား သူတုိ႕လို ကမၻာ႕ႏုိင္ငံေတြၾကားစိမ္႕ဝင္ခ်င္တယ္။ အဆံုးသတ္ရရင္ ဒီေန႕ေတာ႕ China Airlines က ကြ်န္ေတာ႕ကို တစ္ခုထက္မက သင္ေပးလိုက္တာပါပဲ။ အဓိကေျပာခ်င္တာကေတာ႕ ပုရြက္ဆိတ္နီ၊ ပုရြက္ဆိတ္မည္း အေရးမၾကီးဘူး။ အသက္ရွင္ေနမယ္႕ ပုရြက္ဆိတ္ထဲမွာ “ ျမန္မာ ” ပါေစခ်င္တာပဲ ကြ်န္ေတာ္သိတယ္။ အားလံုးကိုေလးစားေနတဲ႕ ..

.

ခင္လ်က္

.

01-27-2016 ( တစ္ေထာက္နားထုိင္ဝမ္ )

.

.

.

Myanmar Unicode Version:

.

.

“ China Airlines နဲ့ ဒုတိယအကြိမ် ”

ခရီးသွားနေသူ - ကိုညီညီ ( တောင်ကြီး )

.

ခရီးသွားရတာက လွယ်လွယ်လေးပါ။ လမ်းခရီးမှာ အခက်အခဲမရှိဖို့အတွက် အဘက်ဘက်ကကြိုတင်တွက်ချက်နိုင်တာကမှ ခက်တာ။ မကြာမကြာလေယာဉ်စီးနေကျမိတ်ဆွေတွေအတွက်တော့ ထမင်းစားရေသောက်ဖြစ်ပေမယ့် ( ၆ ) နှစ်ခွဲကြာမှ တစ်ကြိမ်ပြန်စီးနင်းခွင့်ရခဲ့တဲ့ China Airlines အိမ်အပြန်ခရီးစဉ်မှာတော့ အရာရာဟာ အသစ်ဖြစ်နေခဲ့တယ်။ ဒါကြောင့်လည်း “ နေရာသစ်မှသင်ယူခြင်း အမှတ် ( ၁ ) ” နဲ့စခဲ့တဲ့ ကျွန်တော့ရဲ့လက်ချောင်းလေးများဟာလည်း အခုလို အလုပ်ရှုတ်လာရပါတော့တယ်။

.

ထုပ်ပိုးရတာက ပြသနာမရှိပေမယ့် ပေါင်ချိန်ရတဲ့အခါ လက်ဝင်ပါတယ်။ လေကြောင်းလိုင်းက အခမဲ့ပေးထားတာက ပေါင် ( ၅ဝ ) - ၂ ထုတ်စာ။ ပိုတဲ့ပေါင်ချိန် ( ၂ဝ ထပ်တိုး ) အတွက် ( ၃၂ ) ဒေါ်လာဆောင်ရတယ်။ တတိယမြောက်ထပ်တိုးပါကင် ( ၅ဝ ) ပေါင်အတွက်က ( ၁၁၅ ) ဒေါ်လာ..။ ဒါက ဈေးပြန်ကျလာတာ။ ဟိုတစ်လော တက်သွားတုန်းက အပိုတစ်ထုတ်အတွက် ဒေါ်လာ ( ၂ဝဝ ) ကျော်ဆောင်ရတယ်လို့ အတွေ့အကြုံရှိသူတွေပြန်ပြောပြတာကို အမှတ်ရလာမိတယ်။

.

.

ပါဆယ်ထုတ်ကိုတင်၊ သူ့ဆီသူထည့်၊ သူ့ကားသူမောင်းပြီးလေဆိပ်လိုက်ပို့တဲ့ ကျေးဇူးရှိတဲ့ အစ်မတို့ဇနီးမောင်နှံကိုနှုတ်ဆက်ရင်း လေဆိပ်ကောင်တာကို လှည်းတွန်းဝင်လာခဲ့တယ်။ ပါဆယ်ထည့်မယ့်အစ်မကြီးတစ်ယောက်ကိုစောင့်နေတုန်း  ခဏလေးကြာတော့ သူလည်း လှည်းလေးနဲ့ကောင်တာနား ရောက်လာတယ်။ ပေါင်ချိန်ကိစ္စတွေစီစဉ်ဖို့ နေရာချထားပေးတဲ့ တရုတ်လေကြောင်းလိုင်းက မီနီစကပ်လေးနဲ့ပိန်ပိန်ပါးပါးမိန်းကလေးဝန်ထမ်းက သွားရမယ့်ကောင်တာကို လမ်းညွှန်ပေးပါတယ်။

.

ဒီနေရာမှာကြုံရတဲ့အခက်အခဲတွေကို အသေးစိတ်ပြောပြမယ့်အစား ဂုဏ်ယူစရာတစ်ခုကို မီးမောင်းထိုးပြချင်နေမိတယ်။ ပါဆယ်ထည့်တဲ့အစ်မကြီးပြောတာက “ ခုနက ငါတို့ကို ဘယ်ကောင်တာသွားဆိုပြီးနေရာချထားပေးတဲ့ကောင်မလေးကိုတွေ့တယ်မလား? အဲဒါ ဗမာ ” တဲ့။ သူပြောမှသတိထားမိတယ်။ ကျွန်တော်တို့အလှည့်ရောက်တော့ အစ်မကြီးက ကျေးဇူးတင်စကားပြောတာကို အဲဒီမိန်းကလေးက “ ရတယ် ” လို့ပြန်ပြောသေးတယ်လေ။ “ သူက အလုပ်သိပ်ကြိုးစားတာ။ အခုကြည့် .. အလုပ်လုပ်တာတော်လို့ ကြီးကြပ်ရေးမှူး - Supervisor ဖြစ်နေတာ ” တဲ့။

.

.

ဒါကြောင့်ပြောတာ..။ အမေရိကားဆိုတိုင်း အင်္ဂလိပ်စာချည်းကျွမ်းနေရမယ်လို့ မဆိုသာဘူး။ ဆက်ဆံရေးကောင်းရမယ်၊ စီမံခန့်ခွဲမှုတတ်ရမယ်၊ ဘာသာစကားကျွမ်းကျင်ရမယ်၊ အထူးသဖြင့် လုပ်ဖော်ကိုင်ဘက်တွေကြားမှာ နှာတစ်ဖျားသာရမယ်လေ။ အခုတော့ တရုတ်၊ မက္ကဆီကန်၊ အမေရိကန်တွေသာအခန့်များတဲ့ China Airlines ရဲ့ ဆန်ဖရန်စစ္စကိုအပြည်ပြည်ဆိုင်ရာလေဆိပ်ရဲ့ ရောက်ရှိပြ - Check In ကောင်တာမှာ မြန်မာ Supervisor တစ်ယောက်က အုပ်ချုပ်နေတယ်ဆိုတာကို ကမ္ဘာကိုအော်ပြောရမယ်..။ ရပြီ .. ပြောအားရှိပြီကွ။

.

ငတ်နေလို့လားမပြောတတ်ပါဘူး .. လေယာဉ်ပေါ်မှာဧည့်ခံတဲ့ China Airlines ရဲ့ အစားအသောက်တွေက အရမ်းတိုးတက်လာတယ်။ စီးရတာ ညသန်းခေါင်ဆိုတော့ ပထမကျွေးတဲ့ တစ်နှပ်က ညလယ်စာလို့ခေါ်ရမယ်ထင်တယ် .. ကြက်သားနဲ့စားမလား? ငါးနဲ့စားမလားလို့ လေယာဉ်မယ်လေးတစ်ယောက်က လာမေးတယ်။ အသံကြားလို့မော့ကြည့်လိုက်တော့ မတူတဲ့လူမျိုး နဲ့ ကွဲပြားတဲ့အသားအရေပိုင်ရှင်မှန်း သိလိုက်ရတယ်။ သူ့ကိုယ်သူဘာလူမျိုးဖြစ်ဖြစ် ကျွန်တော်ကတော့ အလကားရတာ တာဝန်ကျေအောင်အကုန်လုံးစားပစ်လိုက်တာပါပဲ .. တွေးမနေတော့ပါဘူး။

.

.

ကျွန်တော့အရှေ့ခုံမှာ ခေါင်းပေါင်းကြီးဦးလေးကြီးရယ် ဆာရီခြုံထားတဲ့အဒေါ်ကြီးရယ် ပန်ဂျာပီလင်မယားတစ်တွဲလိုက်ပါလာတယ်။ သူတို့ဟာ လေယာဉ်ပေါ်မှာ သူတို့ရဲ့မိခင်နိုင်ငံဘာသာစကားကိုပဲပြောကြပုံရတယ်။ အင်္ဂလိပ်အသံထွက်စကားပြောသံမကြားရသလို ဘေးပတ်ဝန်းကျင်နဲ့ကင်းဝေးပြီး အစားအသောက်စားတာကိုလည်း သိပ်မတွေ့ရဘူး။ အဲ .. ကျွန်တော့ရဲ့ဘယ်တောင်ပံဘက်က ( ၃ ) ခုံတွဲမှာတော့ စကားတစ်ပြောပြော နဲ့ မြန်မာမိသားစုတစ်ခုက စားလိုက်သောက်လိုက်တာ ပြောင်နေတာပါပဲ။ အဲဒီမြန်မာဦးလေးကြီးက လေယာဉ်မယ်ကို ဟင်းတွေကစားကောင်းသလို China Airlines ရဲ့ဝန်ဆောင်မှုကကောင်းတယ်လို့တော့ အင်္ဂလိပ်လိုချီးကျူးသံသဲ့သဲ့ကို ကြားမိလိုက်သေးတယ်။

.

ထိုင်ဝမ်ရောက်ဖို့ ( ၃ ) နာရီအလိုမှာ လေယာဉ်ဝန်ထမ်းတွေက မီးဖွင့်ပြီး အိပ်ယာကလိုက်နှိုးပါတယ်။ စနိုးတာဝါနွေးနွေးလေးကို မီးညှပ်နဲ့လှမ်းပေးရင်း မကြာခင်မနက်စာနဲ့တည်ခင်းဧည့်ခံမယ့်အကြောင်း လူလျှောက်လမ်းတစ်လမ်းလုံး ပြောသွားကြတယ်။ တစ်ညလုံးအောင့်ထားရတဲ့ဆာလောင်မွတ်သိပ်မှုကြီး ပြေပျောက်ရတော့မယ့်အရေးဆိုတော့ ခရီးသည်အားလုံး မိနစ်အနည်းငယ်အတွင်း အဆင်သင့်ဖြစ်နေကြပါပြီ။ ဒီနေရာကနေ အရှေ့ဘယ်ဘက်ခပ်စွန်းစွန်းကအသံတွေကို အတိုင်းသားကြားနေရတယ်။

.

.

“ Sir, Do you want a sausage or fried noodle? ” လို့ လေယာဉ်မောင်က ( ၃ ) ခေါက်လောက်မေးနေတာကို တစ်ဖက်သားရဲ့ဖြေသံက ထွက်မလာဘူး။ အသံလာရာကိုကြည့်လိုက်တော့မှ ပန်ဂျာပီဦးလေးကြီးလင်မယားဖြစ်နေတယ်။ သူတို့က အင်္ဂလိပ်လိုမပြောတာလား .. မပြောတတ်တာလားတော့ ကျွန်တော်အတည်မပြုနိုင်ပါဘူး။ လေယာဉ်မောင်နားလည်လောက်တဲ့ဘာသာစကားတစ်ခုနဲ့ပြန်မပြောတာကတော့ သေချာတယ်။ ခဏလေးလည်းကြာရော လက်ရှိအခက်အခဲကိုပြေလည်စေမယ့် ကြားဝင်စေ့စပ်သူ - Negotiator တစ်ယောက်ပေါ်လာတယ်။ သူကတော့ အစောပိုင်းကကျွန်တော်ပြောခဲ့တဲ့ အိန္ဒိယနိုင်ငံရုပ်ရည်နဲ့ China Airlines ရဲ့ လေယာဉ်မယ်လေး ဖြစ်ပါတယ်။

.

သူတို့က အသားမစားသလို ညတုန်းကလည်း ဘာသာရေးအရ ညစာစားပုံမရဘူး။ ဒါနဲ့ အိန္ဒိယရုပ်ရည်နဲ့လေယာဉ်မယ်လေးက လိမ္မော်ရည်သောက်မှာလား? ပန်းသီးဖျော်ရည်သောက်မှာလားဆိုတာကို သူတို့နားလည်တဲ့တိုင်းရင်းသားဘာသာစကားနဲ့မေးပေးရင်း ကိစ္စအားလုံးအဆင်ပြေသွားကြတယ်။ နောက်ဆုံးမှာ တစ်ယောက်စီကို လိမ္မော်ရည်တစ်ခွက်စီ နဲ့ ပေါင်မုံ့အလွတ်တစ်လုံးစီသာ ယူငင်စားသုံးတဲ့ ပန်ဂျာပီဦးလေးကြီးစုံတွဲကို လေးစားမိသလို စကားပြန်လုပ်ပေးတဲ့ အိန္ဒိယအသားအရည်လေယာဉ်မယ်လေးကို ကျွန်တော့စိတ်ထဲက ကြိတ်ပြီးချီးကျူးနေမိတယ်။

.

.

ကြားဖူးခဲ့တဲ့သတင်းတွေအရ တရုတ်လေယာဉ်စီးရင် စိတ်မချရဘူး၊ ကုန်ချည်းတင်နေတာ .. ကုန်တင်လေယာဉ်ဖြစ်နေပြီ၊ ချေထောက်ဆန့်ဖို့နေရာတောင်မရှိဘူး စသဖြင့်စုံလို့ပါပဲ။ အများပြောစကားက မှန်တာတွေလည်းပါသလို စောစီးစွာအကဲမဖြတ်သင့်တဲ့  Pre-Judgement တွေလည်းပါပါတယ်။ လေကြောင်းလိုင်းတစ်ခုရဲ့ရောင်းအား - Selling Point ဟာ ကမ္ဘာနဲ့ချီပြီးပြောရရင် ဘေးကင်းလုံခြုံရေး - Safety ပါ။ လူ့အကြိုက်ကိုလိုက်ပြီးရောင်းတာကတော့ ဝန်ဆောင်မှု - Customer Service ဖြစ်ပါတယ်။ ဒါပေမယ့် ကုမ္ပဏီကြီးတစ်ခုရဲ့အလုံးစုံတိုးတက်မှု - Overall Development ကို ပြောကြစတမ်းဆိုရင် လူရွေးချယ်အလုပ်ခန့်မှု - Employment ကို ချန်လှပ်ထားလို့မရပြန်ပါဘူး။

.

အခု China Airlines ကိုလေ့လာကြည့်ရင် သူ့နေရာနဲ့ သူ့ဇာတ်နဲ့ ဝန်ထမ်းတွေနေရာချထားပေးတာကို သင်ယူမိတယ်။ ပြောင်းရွှေ့မြန်မာတွေအနေများတဲ့ ဆန်ဖရန်စစ္စကိုဧည့်သည်ဝင်ရောက်မှုကောင်တာမှာ မြန်မာကြီးကြပ်ရေးမှူးကိုခန့်ထားတယ်။ လူမျိုးပေါင်းစုံနဲ့ပြေလည်အောင်ဆက်ဆံရတဲ့အပြင် အပြည်ပြည်ဆိုင်ရာနဲ့ပြိုင်ဆိုင်ရတဲ့လေယာဉ်ပေါ်ဝန်ဆောင်မှုမှာကျတော့ အိန္ဒိယလေယာဉ်မယ်ကိုခန့်ထားတယ်။ ဘယ်သူကမှ မြန်မာကိုခန့်ထားလို့မလာဘူး .. ပန်ဂျာပီကိုခန့်ထားလို့မစီးဘူးဆိုတာ အမေရိကားမှာမရှိပါဘူး။ အထူးသဖြင့် ဘယ်နေရာမဆို အသားအရေ နဲ့ လူမျိုးမခွဲခြားကြဘူးဆိုတာ နိုင်ငံတကာကိုထွက်ဖူးကြသူတိုင်းသိကြတယ်။

.

.

အခုပြောချင်တာက တရုတ်တွေစီးပွားရေးကိုဘယ်လိုကိုင်တွယ်သလဲဆိုတာကို သိစေချင်တာပါ။ ပညာရှိတွေပြောခဲ့တဲ့ “ အခုခေတ်မှာ ဒိုင်နိုဆောတွေမရှိတော့ပေမယ့် ပရုတ်ဆိတ်တွေကတော့ ရှင်သန်နေဆဲ။ အကြောင်းရင်းစစ်တော့ ဒိုင်နိုဆောတွေက ခေတ်နဲ့လိုက်လျောညီထွေအောင်လိုက်ပြီး မပြောင်းလဲနိုင်ဘူး။ ပုရွက်ဆိတ်ကတော့ ပြောင်းလဲနိုင်ပြီး ရာသီဥတုဒဏ်ခံနိုင်လို့ ကမ္ဘာ့လူဦးရေထက် အစပေါင်းများစွာတိုးပွားနေပါသေးတယ် ” ဆိုတဲ့စကားဟာ အကြောင်းမဲ့ထားခဲ့ဟန်မတူဘူး။

.

ဒါကြောင့် ဒိုင်နိုဆောလောက်မကြီးချင်နေပါ .. ပုရွက်ဆိတ်တွေကို အသက်ရှင်ချင်တယ်။ မြန့်မာ့သူကြွယ်တွေကို မချမ်းသာချင်နေပါ .. အခြေအနေမပျက်နေသွားချင်တယ်။ မြန်မာ့အိမ်နားနီချင်းလူမျိုးတွေမကောင်းကြောင်းပြောနေမယ့်အစား သူတို့လို ကမ္ဘာ့နိုင်ငံတွေကြားစိမ့်ဝင်ချင်တယ်။ အဆုံးသတ်ရရင် ဒီနေ့တော့ China Airlines က ကျွန်တော့ကို တစ်ခုထက်မက သင်ပေးလိုက်တာပါပဲ။ အဓိကပြောချင်တာကတော့ ပုရွက်ဆိတ်နီ၊ ပုရွက်ဆိတ်မည်း အရေးမကြီးဘူး။ အသက်ရှင်နေမယ့် ပုရွက်ဆိတ်ထဲမှာ “ မြန်မာ ” ပါစေချင်တာပဲ ကျွန်တော်သိတယ်။ အားလုံးကိုလေးစားနေတဲ့ ..

.

ခင်လျက်

.

01-27-2016 ( တစ်ထောက်နားထိုင်ဝမ် )
.
“ China Airlines နဲ႕ ဒုတိယအၾကိမ္ ” စာမူသည္ ၂ဝ၁၆ ခုႏွစ္၊ ဒီဇင္ဘာလ ( ၂၄ ) ရက္ေန႕၊ စေနေန႕ထုတ္ NetGuide နည္းပညာဂ်ာနယ္ အတြဲ ( ၄ ) ၊ အမွတ္ ( ၆၆ ) ၊ စာမ်က္ႏွာ ( ၃၇ ) တြင္ ေဖာ္ျပပါရွိသည္။